كلام مكاوي زي العسل

اعزائي اعضاء منتدى دفق الابداع
سلام الله عليكم ورحمته وبركاته وبعد ....
مرحبابكم جميعا
اليوم ياحبايبي جايبلكم بعض الكلمات المكاويه الي كانوا اهل مكه يتكلموا فيها يعني الي مو من مكة يجي ويقرا هدا الموضوع
أما دحين اسيبكم مع هذي الكلمات (( ركزوا فيها واحفظوها))
بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما.

المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.

القرندي: بفتح القاف والراء وتسكين النون وكسر الدال <<<مشوار ها؟
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)

توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا
انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس
وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن
وكان بالصدفة متواجد في مكة هذا الجني ههههههههههههههههههههه

على طبطابي .. : يعني على مزاجي

مِرَسْتَكَه ..: يعني متأنتكه يعني مرة شياكة .. ومرتبّة

وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..
و لا أهبدك اللين أجدد ايمانك

تزل ... : يعني تمر

مرحبمبك ... : يعني مرحبا بك .. بس باختصار شوية

باطِرمَة ... : يعني جلسة ... كنب حاجة زي كده ...

كَرَاوِيتَه : ... حاجة خشب كده ... يحطوا عليها الباطرمة ....

مَدَارِيْه : ...... مراجيح ...

ندرت عينك من حُقّها ... : يعني خرجت عينك من محلها .... كده

شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) ..

قيّسْتَك : ... يعني حسّبتك .... توقعتك .... هقيتك

يعني مثلاً .. ( قيستك ياواد حتزل على عمتك فتّو ) ... وه ياستيته ..

بُخْنُق ... : اللي يتلبس في الراس ويكون مخيّط على قده ....

مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟

دهليز : يعني سيب (... سيب وانا اسيب )..... يعني محل كده زي اللي يكون قدام ابواب العماير
من جوّه ....

زنبيل : ... يعني كيس ...

زلطة : .... سَلطة بعد التعديل ...

يدعك : ... يعني يفرك ... يعني مثلا ايش بتسوي يابت ... بادعك الاسورة .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله

مجغجغ : مليان مويه

تقبلوا تحياتي

أما دحين ابغى جميع الردود تكون بكلمات مكاويه (( لازم من عمل تطبيقي)(

افترح عليك تتطلع قاموس يترجم من مكاوية الى عربية

ههههههه

ولله من جد كــــلام المكاويه فللللله ههههههه Very Happy